Венгер планира да купи двајца фудбалери на Ајакс

Арсенал планира да направи двоен трансфер,обезбедувајќи ги потписите на дуото од холандски Ајакс, Мартен Стекеленбург и Јан Фертонген. За Стекеленбург се знае дека е меѓу трансферите планови и на уште еден англиски тим - Манчестер Јунајтед, па битката за потписот ќе биде навистина жестока.

Искусниот голман е планиран како заменик на Едвин Ван Дер Сар, а Сер Алекс се уште не открива дали има преговори со новиот Холанѓанец. 28-годишниот голман е посакуван и од Арсенал , па се очекува Арсен Венгер да стори сé што е можно за да го донесе во своите редови. 

Со трансфер на "Емирати" е поврзан и универзалниот дефанзивец Јан Фертонген, кој може да игра како во одбраната така и во средниот ред. Тој би ги чинел лондончани 8 милиони евра.